Requisits e tramits

D’acòrd damb er Decret xx/20XX, de xx d xxxx, peth quau se regulen es subvencions e eth contròtle dera compdabilitat electorau enes eleccions ath Parlament de Catalonha deth 20XX, se subvencionarà es despenes ocasionades as partits politics, federacions, coalicions o agropacions d’electors d’acòrd damb es règles que seguissen:

  1. 16.101,60 èuros per escon obtengut.
  2. 0,61 èuros per vòt artenhut per cada formacion política enes circonscripcions electoraus a on coma minimom age obtengut un escon.
  3. 0,20 èuros per cada elector o electora d’ua circonscripcion electorau, tostemp qu’era candidatura obtengue un escon es aguesta circonscripcion e artenhe formar grop parlamentari, entàs despenes originades pera tramesa dirècta e personau as electors e electores des envolòpes e es paperetes electoraus, o de propaganda e publicitat electorau.

Cap de partit politic, federacion, coalicion o agropacion d’electors non pòt superar en aguestes eleccions, entàs despenes electoraus, eth limit que resulte de multiplicar per 0,40 èuros eth nombre d’abitants dera poblacion de dret des circonscripcions electoraus a on presenten candidatures. Era quantitat subvencionada a qué hè referéncia er apartat c (despensa per remesa de propaganda electorau) non s’includís pas laguens d’aguest limit. Totun açò, s’a de justificar era realizacion efectiva dera activitat pera quau s’autrege era subvencion.

En cap de cas era subvencion corresponenta a cada formacion politica non pòt pas depassar era chifra de despenes electoraus declarades justificades pera Sindicatura de Compdes en exercici dera sua foncion fiscalizadora.

Era tramitacion des subvencions electoraus se hè en 3 fases, damb es següents requisits:

  • BESTRETA DEL 30%: REQUISITS
  1. Auer arrecebut subvencions enes anteriores eleccions en Parlament de Catalonha deth 21 de deseme de 2017.
  2. Presentar era sollicitud deuant eth conselh electorau provinciau corresponent, entre eth 12 e 14 de gèr.
  • AUANÇAMENT DEL 90%: REQUISITS
  1. Auer obtengut aumens un escon,
  2. Auer presentat deuant era Sindicatura de Compdes era compdabilitat des despenses efectuades pendent era campanha electorau, entre es 100 e 125 dies següents ath 14 de hereuèr (entre eth 25 de mai e 19 de junh).
  3. Constituïr un gatge de 10% der auançament de 90% a arrecéber.
  4. Presentar era certificacion emetuda per l’organ corresponent qu'acredite l’aquesiment pes elegidi dera condicion plea de deputats en Parlament de Catalonha e de l’exercici efectiu deth cargue.

Per auança ar abonament d’aguest auançament, es formacions politiques poderàn sollicitar, mejançant renóncia parciau per escrit, er ajustament dera subvencion autrejada ar impòrt qu’an declarat deuant dera Sindicatura de Compdes quan resulte inferior ar impòrt des subvencions que les corresponerien d’acòrd damb es resultats generaus d’aguesti comicis

  • LIQUIDACION: REQUISITS
  1. Fiscalizacion des comptabilitats electoraus pera Sindicatura de Compdes.
  2. Publicacion der informe de fiscalizacion en Parlament.
  3. Liquidacion des subvencions electoraus cossent damb eth contengut der informe.
Data d'actualització:  22.09.2020